ແຈ້ງຖອນໃບຢັ້ງຢືນການລົງທະບຽນຜູ້ນຳເຂົ້າ ແລະ ສົ່ງອອກສິນຄ້າ ແລະ ການບໍລິການ
ອີງຕາມແຈ້ງການຖອນໃບຢັ້ງຢືນການລົງທະບຽນຜູ້ນຳເຂົ້າ ແລະ ສົ່ງອອກສິນຄ້າ ແລະ ການບໍລິການ ຂອງກົມການຄ້າຕ່າງປະເທດ , ກະຊວງອຸດສາຫະກໍາ ແລະ ການຄ້າ ເລກທີ 1633/ກຄຕ, ລົງວັນທີ 24 ເມສາ 2025, ແຈ້ງໃຫ້ຊາບວ່າ ຜ່ານການຈັດຕັ້ງປະຕິບັດແຈ້ງການຂອງ ກົມ ຄຕ ສະບັບເລກທີ 1284/ກຄຕ, ລົງວັນທີ 13 ມີນາ 2025 ເຫັນວ່າບໍລິສັດຈຳນວນໜຶ່ງ ຍັງບໍ່ໄດ້ມາສືບຕໍ່ອາຍຸ ໃບຢັ້ງຢືນການລົງທະບຽນຜູ້ນຳເຂົ້າ ແລະ ສົ່ງອອກສິນຄ້າ ແລະ ການບໍລິການ ນຳເຈົ້າໜ້າທີ່ຕາມແຈ້ງການ. ສະນັ້ນ, ກົມ ຄຕ ຈິ່ງໄດ້ຖອນສິດ ແລະ ໃບຢັ້ງຢືນການລົງທະບຽນຜູ້ນຳເຂົ້າ ແລະ ສົ່ງອອກສິນຄ້າ ແລະ ການບໍລິການ ຂອງບັນດາບໍລິສັດ ທີ່ມີລາຍຊື່ຄັດຕິດມານີ້ (ລາຍຊື່ບໍລິສັດທີ່ຖືກຖອນສິດ ແລະ ໃບຢັ້ງຢືນ) ແລະ ແຈ້ງມໃຫ້ບັນດາພາກສ່ວນກ່ຽວຂ້ອງຮັບຊາບ
ບໍລິສັດທີ່ຖືກຖອນສິດ ແລະ ໃບຢັ້ງຢືນດັ່ງກ່າວ ແມ່ນຈະບໍ່ມີສິດເປັນຜູ້ນໍາເຂົ້າ-ສົ່ງອອກສິນຄ້າ ແລະ ບໍລິການ ນັບແຕ່ມື້ລົງລາຍເຊັນເປັນຕົ້ນໄປ, ແຕ່ຍັງສາມາດດຳເນີນກິດຈະການພາຍໃນອື່ນໄດ້. ໃນກໍລະນີບໍລິສັດຫາກມີຄວາມປະສົງຈະຂໍສືບຕໍ່ໃນການດຳເນີນທຸລະກິດນໍາເຂົ້າ-ສົ່ງອອກສິນຄ້າ ແລະ ບໍລິການ ຕ້ອງໄດ້ປະກອບເອກະສານຍື່ນຫາກົມການຄ້າຕ່າງປະເທດ ຫຼື ຂະແໜງການຄ້າຕ່າງປະເທດ, ພະແນກອຸດດສາຫະກຳ ແລະ ການຄ້າແຂວງ ເພື່ອພິຈາລະນາອະນຸມັດ.
- ລາຍຊື່ຫົວໜ່ວຍວິສາຫະກິດທີ່ຖືກຖອນໃບຢັ້ງຢືນຜູ້ນຳເຂົ້າ-ສົ່ງອອກສິນຄ້າ ແລະ ບໍລິການ ສາມາດ ເບິ່ງ ຫຼື ດາວໂຫຼດ ຕາມຄີວອາໂຄດ ລຸ່ມນີ້,
| # | ຫົວຂໍ້ | ດາວໂຫຼດ |
|---|---|---|
| 1 | ຖອນໃບຢັ້ງຢືນການລົງທະບຽນຜູ້ນຳເຂົ້າ ແລະ ສົ່ງອອກສິນຄ້າ ແລະ ການບໍລິການ. |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.