ການຂື້ນທະບຽນຢາປາບສັດຕູພືດ ແມ່ນການຮັບຮອງດ້ານວິຊາການຢາປາບສັດຕູພືດ ໂດຍຜ່ານການປະເມີນຂ້ໍມູນທາງດ້ານວິທະຍາສາດ ເພື່ອຢັ້ງຢືນວ່າ ຜະລິດຕະພັນທີ່ຈະຂື້ນທະບຽນນັ້ນ ມີປະສິດທິພາບຕໍ່ເປົ້າໝາຍ ແລະ ບໍ່ເປັນໄພອັນຕະລາຍຕໍ່ລະບົບນິເວດ ແລະ ສິ່ງແວດລ້ອມ. ການຂື້ນທະບຽນວິຊາການຢາປາບສັດຕູພືດ ມີ 3 ປະເພດ ຄື: 1) ການຂື້ນທະບຽນວິຊາການປາບສັດຕູພືດຊົ່ວຄາວ, 2) ການຂື້ນທະບຽນວິຊາການຢາປາບສັດຕູພືດຖາວອນ ແລະ 3) ການຂື້ນທະບຽນວິຊາການຢາປາບສັດຕູພືດຊໍ້າກັນ.
ການໂຈະ ແລະ ການຍົກເລີກ ການຂື້ນທະບຽນວິຊາການຢາປາບສັດຕູພືດ
ກໍລະນີການໂຈະຢາປາບສັດຕູພືດທີ່ໄດ້ຂື້ນທະບຽນວິຊາການແລ້ວ.
- ກວດພົບວ່າ ຢາປາບສັດຕູພືດ ທີ່ມີຄວາມສ່ຽງເປັນອັນຕະລາຍຕໍ່ຄົນ, ສັດ, ພືດ ແລະ ສົ່ງແວດລ້ອມ;
- ກວດພົບວ່າ ຢາປາບສັດຕູພືດບໍ່ມີປະສິດຕິພາບ ຫຼື ຄຸນນະພາບ ຕາມທີ່ໄດ້ຂື້ນທະບຽນ;
- ຜູ້ທີ່ໄດ້ຮັບອະນຸຍາດຂື້ນທະບຽນລະເມີດດໍາລັດ, ຂໍ້ຕົກລົງສະບັບນີ້ ຫຼື ບໍ່ປະຕິບັດຕາມເງື່ອນໄຂການຂື້ນທະບຽນ.
ກໍລະນີຍົກເລີກໃບອະນຸຍາດຂື້ນທະບຽນ
- ມີຫຼັກຖານອ້າງອິງພາຍຫຼັງວ່າ ຢາປາບສັດຕູພືດມີຄວາມອັນຕະລາຍສ້າງຄວາມເສຍຫາຍໃຫ້ກັບຄົນ, ສັດ, ພືດ ແລະ ສິ່ງແວດລ້ອມ ຍ້ອນຢາປາບສັດຕູພືດ ປະສິດທິພາບຕໍ່າ ຫຼື ບໍ່ມີຄຸນນະພາບ;
- ມີການສະເໜີຂອງຄະນະສະເພາະກິດ ເພື່ອກວດກາ ແລະ ນໍາໃຊ້ມາດຕະການ ຕໍ່ການລະເມີດລະບຽບກົດໝາຍກ່ຽວກັບຢາປາບສັດຕູພືດ;
- ຜູ້ຂື້ນທະບຽນລະເມີດດໍາລັດ ແລະ ລະບຽບການຢາປາາບສັດຕູພືດ ເປັນຄັ້ງທີ່ສອງ ຫຼື ເປັນອາຈິນ.
| # | ຫົວຂໍ້ | ດາວໂຫຼດ |
|---|---|---|
| 1 | ການຜະລິດ ຫຼື ນໍາເຂົ້າຢາປາບສັດຕູພຶດທຸກຊະນິດຕ້ອງຜ່ານການຂື້ນທະບຽນວິຊາການ |  PDF |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
You can provide comment/feedback on draft legislation to relevant government agencies for improvement before entering into force.